Арадай Хралай июнь һарын сесси дээрэ Захаамин аймагай “Михайловский” болон “Бургалтайн Адаг” һуурингуудые нэгэдүүлхэ тухай асуудал шиидхэгдэхэ. Мүнгэн зөөрин шахардуу байдалай ушарһаа багахан һуурингууд суг нэгэдэн ажамидарха арга бэдэрнэ. Энэ үйлэ үшөө 2011 онһоо эхилһэн юм.
Арадай Хуралай һунгамалнууд Виктор Аюшеев, гүрэнэй байгуулалтын Хорооной түрүүлэгшэ Борис Ботоев гэгшэд эдэ һуурингуудай ажаһуугшадтай уулзажа, хэлсэбэд.
Михайловка тосхондо 1200 хүн, Бургалтай Адагта хахадһаа бага зон ажаһууна. Салин хүлһэ түлэлгэдэ, захиргаанай, соёлой байшан, ашаглаха мүнгэн дуталдаан Эдэ һуурингууд хоооорондоо оройдоол арбаад модо зайтай юм. Хэрбэеэ нэгэдэмэл, 5 сая мүнгэн алмааһалагдаха. Мүн нютагуудай Зүблэл шэнээр һунгагдаха.
Хоёр нютагай арад зон хүүгэдэй сэсэрлигүүд, һургуулинууд тухай һанаата болоно. Гэбэшье, энэ асуудал хүдөөгэй һууринай мэдэлэй бэшэ, харин үхибүүдэй тоогоор мүнгэн зөөри уласай болон аймагай захирганһаа һомологдоно бшуу.
Гэхэ зуура, багахан һуурингууд Хяагта, Зэдэ, Загарай, Хори аймагуудта нэгэдүүлэгдэжэ, ажаһуудалайнь шанар дээшэлһэн юм.
