Буряад хэлые сурталшалха, дэлгэрүүлэхэ зорилготой «Найдал» hан дүрбэдэхи удаагаа мүрысөөн зохиожо шэнэ түсэлнүүдые шэлэжэ олондо танилсуулба.
Энэ жэлэй нааданда гуша гаран хаабадгшад оролсожо шэлдэг найман түсэл hунгагдажа мүнгэн шагнал абаха эрхэтэй болohон байна. Мүрысөөн хадаа «Уран-түсэл», «Аудио-, видеотүсэл», «IT-түсэл» гэhэн гурбан ангилалаар ябагдаа. Шагналай ниитэ hан 400 000 рубль юм. «Найдал» hангай түрүүлэгшэ Юрий Балхановай хөөрэhөөр арга хэмжээнэй гол зорилго хадаа буряад хэлээ мэдэхэ, hураха хүсэлтэй хүнүүдтэ туhа болохо зэргэтэй элдэб янзын түсэл хүтэлбэринүүдые дэмжэжэ саашань дэлгэрүүлхэдэ оршоно. Тиихын тула энэ мүрысөөн зохиожо хүндэ дэм боложо болохо түсэлнүүдые бэдэржэ оложо мүнгэнэй асуудалыень шийдэжэ үгэдэг байна.
Мүнөөнэй сагтай уялдуулжа залуушуулда үлүү дүхэм аудио, видео, интернеттэй холбоотой түсэлнүүдые улам hайхашаажа байна. Гурбан жэлэй туршада 250 гаран түсэл хабаадалсажа зуугаад оролсогшод мүнгэн дэмжэлгэ абаhан байна. Нэгэ түсэлдэ 30 — 100 минган рубль ноогдожо нийтэдээ 1 сая 300 минган рубль зарсуулагдаhан байна.
Эдэ хабаадалсагшад сооhоо онсолжо хэлэбэл гар утаhандаа татажа абаха «Амисхаал» гэhэн хабсаралта. 10 минган хүн өөрын утаhандаа hуулгажа мүнөө буряад хэлээ үзэжэ, шэнэ үгэнүүдые сээжэлдэхэ боломжотой болоод байна. Мүн солонгос 26 ангитай хүүхэлдэйн кино буряад хэлэн дээрэ оршуулжа дуу оруулhан түсэлые дурдая. Гэхэ мэтэ hайхан түсэлнүүд юрын хүн зондо туhатай байжа шадана. Харин мүнгэнэй гү али ондоо асуудалhаа боложо олондо хүрэжэ шадахагүй байдагынь нюуса бэшэ. Тиймэhээ «Найдал» hан туhалжа өөрын түсэлнүүдтэ саашанхи ябасадань дэмжэлгэ үзүүлжэ байдаг байна.
Энэ нааданда хэншье хабаадалсаха эрхэтэй. Дунда hургуулиин hурагшаhаа эхилээд эршэмтэй ахамад хүрэтэр. Урдань заабол Буряад уласай нютаг дэбисхэр дээрэ түсэлөө хэрэгжүүлэхэ еhотой байhан hаа мүнөө хаанашье бэелүүлхэдэ болохо болонхой. Ондоо можо, гүрэнhөөшье хабаадалсаха хүсэлтэй зон ажалаа ябуулжа эхилэнхэй.
