Тиин энэ программын еһоор хотын хүүгэдэй уран ажалай ордоной, Железнодорожно районой уран ажалай байшанай, эхэ орондоо дуратайгаар хүмүүжүүлгын түбтэ, «Родничок» гэһэн үхибүүдэй элүүржүүлгын-һуралсалай түбэй ажалябуулгада мүнгэн туһаламжа үзүүлэгдээ
Тоололгын палатын түрүүлэгшын элидхэһээр бюджедэй мүнгэн зорилгоороо хэрэглэгдэһэн байна. Гэбэшье зарим дутуу дунданууд элирүүлэгдээ. Хотын захиргаанай һуралсалай хорооной түрүүлэгшын орлогшо Валерий Цыбикдоржиевай хэлэһээр бюджедэй мүнгэнэй хэр зүбөөр хэрэглэгдэжэ байһые шалгаха дүршэлтэй мэргэжэлтэд дуталдана. Энэл ушарһаа элдэб дутуу дунданууд ушарна. Недондо иимэ шалгалта үнгэргэхэ ревизорой хоер тушаал шэнээр байгуулагдаа. Энэ тушаалда хүдэлхэ мэргэжэлтэдые тодоруулха талаар гурбан конкурс үнгэргэгдэбэшье кандидадууд шэлэн абтаагүй байһаар. Һайн бэлэдхэлгүй, дүршэлгүй залуу мэргэжэлтэд ерэнэ. Тэдэнэрые һургаха хэрэгтэй гэжэ тэрэ мэдүүлээ. Тиигээдшье ревизорой салин ехэ бэшэ. Энэл ушарһаа дүршэлтэй мэргэжэлтэд хүдэлхэеэ ерэнэгүй. Тиихэдэ энэ зүблөөндэ социальна политикын хорооной түрүүлэгшын орлогшоор Александр Иринчеев һунгагдаа.
