Владимир Павлов Россин хүнэй эрхэнүүдэй талаар бүрин эрхэтэ түлөөлэгшэ Татьяна Москальковатай уулзаба

Короновирусай һүжэрһэн үедэ хүнэй эрхэнүүдые сахиха талаар саашадаа хоер тала харилсан хүдэлхэ түсэб зүбшэһэн байна. Олон асуудалнууд ажаһуугшадай һанаа зобооно. Буряадай засагай газар хүнэй эрхэнүүдтэ хабаатай асуудалнуудые шиидхэдэг. Татьяна Москалькова улас дотор короновирус аргалхада дуталдажа байһан эмүүдээр туһалха байһанаа найдуулаа. Россин хүнэй эрхэнүүдэй талаар түлөөлэгшын аппарат ехэ бэшэ юм. Тиигэбэшье засагай элдэб шатын зургаануудтай хамта хүнүүдэй элдэб бэрхэшээлнүүдые шиидхэдэг. Танай улас ерэхэдээ короновирусай һүжэрһэн энэ үедэ хүнүүдтэ туһалха талаар горитой хүдэлмэри хэгдэнэ гэжэ харааб. Тусхай такси бии болгогдоо, амбулаторноор аргалуулжа байгшад эмээр хангагдана. Гэбэшье зарим эмүүд дуталдаһаар. Тиимэһээ энэ бэрхэшээл федеральна шатада шиидхэхэ хэрэгтэй болоно гэжэ Татьяна Москалькова мэдүүлээ.

Автор: