Россин президент Владимир Путин Федеральна Суглаанда хандалга бэшэгээ элирхэйлбэ

Манеж гэһэн үзэсхэлэнэй түбтэ президентын хандалга соо табигдаһан зорилгонуудые дүүргэхэ уялгатай Гүрэнэй Дүүмын депутадууд, Федерациин Соведэй гэшүүд, федеральна сайднар, регионуудай толгойлогшонор суглараа. Тиихэдэ гүрэн түрын удха шанартай энэ үйлэ хэрэгтэ ороной эрхим эмшэд, медицинска сестранууд уригдаа. Арадай Хуралай бага танхим соо һунгамалнууд, сурбалжалагшад болон бусад Президентынгээ хандалга шагнаа.Россин Президент Владимир Путин энэ удаа Федеральна Суглаанда арбан долоодохи хандалгаяа хээ. Тиин хамагһаа түрүүн хамшаг үбшэн гүрэн түрэдэмнай ямар хубилалтануудые оруулааб гэжэ Арадай Хуралай түрүүлэгшэ Владимир Павлов  хэлэбэ. Россин Президент Владимир Путинай хандалгын ёһоор хэрэгтэй хэмжээнүүдые абаха талаар ажалаа ябуулжа эхилхэбди гээд Арадай һунгамалнууд тобшолоо.

Автор: