Тэрэ тоодо хүн зондо добтолһон нохойнуудай асуудал зүбшэн хэлсэгдээ. Жэшээлхэдэ, урда жэлэй туршада хүниие зууһан аяар 3 мянга 491 ушар бүридхэгдөө гээд тодорхойлогдоо. Тиихэдэ зүблөөнэй үедэ нобшо ноохой суглуулдаг «Экоальянс» гэһэн региональна операторой ажаябуулгаар ехэ удаан хэлсээн болоо. Тодорхойлбол, үнгэрһэн жэлэй хугасаада физическа болон юридическа нюурнууд яһала харюусалгатайгаар хандажа, түлбэри хэгшэдэй тоо 2 дахин дээшэлээ гээд хэлэгдээ. Зүгөөр байгша оной март һарада уласай тоололгын палата шалгалта хэжэ, ехэ олон дутуу дунданууд олдоо гээд мэдээсэгдээ. Мүн лэ арадай һунгамалнууд сэбэр агаараа хайшан гэжэ абарха тухай хөөрэлдөө. Мүнөөдэрэй байдалаар Улаан-Үдэ хотын дэбисхэртэ 67 мянга 274 модон гэр бүридхэгдэнхэй. Эдэ гэрнүүдэй олонхинь нүүрһээр түлэгдэжэ, дулаасуулагдана. Тиимэһээ хорото бодосуудые усадхаха талаар сэбэр түлишэдэ оролго гээшэ тон шухала болоно гээд уласай арадай хуралай түрүүлэгшэ Владимир Павлов тобшолоо.
Общество
263
Экоальянс Арадай Хуралай соведтэ шухала 3 асуудал харагдаа
