Буряадай АССР-эй Верховно Соведэй Президиумай түрүүлэгшээр 14 жэлэй туршада ябаһан Бато Семёновай ажаһууһан гэртэ дурасхаалай самбар Улаан-Үдэдэ мүнөөдэр нээгдэбэ. Түрэлхидынь, нютагаархидынь, суг хүдэлһэн нүхэдынь олоороо сугларжа, дулаахан үгэнүүдээр дурсаба. Буряадай мэдээжэ политическэ ажал ябуулагша Бато Семеновай түрэһөөр байгша ондо 101 жэл гүйсэбэ. Нёдондо коронавирусһаа боложо, 100 жэлэй ойдо зорюулагдаһан хэмжээ ябуулганууд үргэнөөр тэмдэглэгдээгүй. Гэбэшье Арадай Хуралда үзэсхэлэн дэлгэгдээ һэн. Бато Семёнович мэтэ буряадайнгаа ялас гэмэ хүбүүдые мүнөө үеын зон мэдэжэ байха ёһотой гээд Буряад Уласай Арадай Хуралай түрүүлэгшэ Владимир Павлов тэмдэглэбэ. Бато Семенов мэтэ Буряад орондоо аргагүй дуратай, шуран шударгы хүнүүдые ургажа ябаа үетэн, залуушуул мэдэхэ ёһотой гээд үгэ абагшад нэгэнтэ бэшэ тэмдэглээ.
Общество
268
Бато Семёновай дурасхаалай самбар Улаан-Үдэдэ мүнөөдэр нээгдэбэ
