Федерациин Зүблэлэй түлөөлэгшэд, Оросой Холбоото Уласай байгаалиин нөөсын сайдай орлогшо Дмитрий Тетенькин, Оросой Холбоото Уласай элүүрые хамгаалгын сайдай орлогшо Наталья Хорова гэгшэд Буряад Уласавгустын 23-да ерэһэн байна.Буряадай Толгойлогшо Алексей Цыденов Оросой Холбоото Уласай Федеральна Суглаанай Федерациин Зүблэлэй сенаторнуудтай суг гүрлөө сэсэг Илалтын хүшөөгэй дэргэдэ табижа, сэрэгшэдэй дурасхаал мүнхэлһэн байна.
Буряад Уласай Засаг Газарай түрүүлэгшын орлогшо Евгений Луковниковтай сенаторнууд уулзажа, Улаан-Үдэ хотын 2-дохи ТЭЦ хүрөө. Энэ хэмжээ ябуулгада оршон хангалгын байгуулгые хүгжэлтын талаар хүдэлдэг мэргэжэлтэд хабаадаһан байна. Дулаа дамжуулдаг соргонуудые һэльбэн шэнэлхэ, дулаасуулгын хаһада бэлэдхэл ба 2-дохи ТЭЦ бариха тухай асуудалнууд уулзалгын үедэ зүбшэн хэлсэгдээ.
Байгша оной сентябрь һарада үнгэрхэ Зүүн зүгэй экономикын хуралдаан дээрэ энэ түсэл дурадхагдаха юм. Тэндэ хэлсээнүүд баталагдажа, энэ талаар ажал эхилхэ зэргэтэй.
Элүүрые хамгаалгын, оршон хангалгын байгуулгын, зайн галай, бог шорой болбосоруулгын, һуралсалай ба соёлой эмхинүүдые сенаторнууд ошожо хараа.Буряад Уласһаа сенаторнууд Александр Варфоломеев, Вячеслав Наговицын, мүн Оросой Холбоото Уласай байгаалиин нөөсын сайдай орлогшо Буряадай социальна-экономическа хүгжэлтын талаар гүрэнэй дэмжэлгэ тухай Оросой Холбоото Уласай Федерациин Зүблэлэй Тогтоолой хэр зэргэ бэелүүлэгдэжэ байһан асуудалнуудаар зүблөөндэ хабаадаһан байна.
