Буряад Уласай Арадай Хуралай Түрүүлэгшэ Владимир Павлов энэдэмбэрэлтэ үдэрөөр нютагаархидаа амаршалһан байна.
-Ехэ удхатай үдэр боложо байна. Гоё гэгшын соёлой ордон үүдэеэ сэлибэ. Манай юрэнхылэгшэ Владимир Путинай захиралтаар Россиин хүдөө ажахын яаман «Хүдөө нютагуудые хүгжөөлгэ» гэһэн программа бэеэлүүлнэ. Энээнэй ашаар олонсоциальна байшангууд баригдана, болбосон түхэлэй талаар аргагүй ехэ ажал ябуулагдана. Шанар һайтай эмнэлгын хангалта үзүүлэгдэнэ, болбосоролой хүгжэлтын талаар ажал хэгдэнэ. Үндэһэтэнэй «Соёл» гэһэн түсэл улас дотор мүн лэ урагшатай бэелүүлэгдэнэ, -гэжэ Владимир Павлов хэлэбэ.
Бэшүүрэй олон хүдөө нютагуудта соёлой байшангууд заһабарилга хэгдээ. Байгша ондо Топка, Хонхоло, Дабаата нютагуудта клубууд заһабарилагдаһан юм.
Энэ хэрэг бүтээһэн, байшангуудые заһабарилга хэһэн зондо Буряад Уласай Арадай Хуралай Түрүүлэгшэ баяр баясхаланаа мэдүүлбэ.
- Бэшүүрэй аймагта талаан ехэтэй, бэлигтэй зон олон. Соёлой байшангуудтаа ерэжэ, хэмжээ ябуулгануудые үнгэргэжэ байха гээшэ тон шухала. Соёлой байшан-нютагай толи гэрэл болоно. Залуушуулнай урагшаа дабшажа, соёлой талаархүгжэжэ ябахань дамжаггүй. Эхэ Орондоо дуратайхүбүүд басагаднай түрэл нютагаа хүгжөөжэ, дээшээ эрмэлзэжэ ябахыень хүсэнэб, -гэжэ Владимир Павлов хэлэһэн байна.
Бэшүүр нютагай соёлой байшан 16 сая түхэригтэ заһабарилагдаа. 3480 метр зайтай байшан газаа, досоо талаһаань дулаалуулагдаа, пандус хэгдээ, үүдэнүүд табигдаа, шала һэлгэгдээ. Мүн сантехникэ, зайн галай утаһанууд шэнэлэгдэһэн байна.
