Этнографическа диктантын дүнгүүд Буряадта согсологдобо. 26 мянган уласай ажаһуугшад этнографическа томо диктант Буряадта бэшэһэн байна.
Ноябриин 1-һээ 8 болотор үнгэрһэн энэ хэмжээ ябуулгада Россиин 89 регионуудһаа 4 076 070, мүн тиихэдэ хари гүрэнэй 184 хүн өөрынгөө эрдэм мэдэсые этнографическа диктантын хүсөөр шалгаба. Тэдэнэй 103 365 хабаадагша офлайн аргаар талмайнуудта ерэжэ хабаадаһан байна. Жэшээнь, Мурманска можын Найрамдалай байшанай үндэһэтэнэй-соёлой түлөөлэгшэд «Ленин» гэһэн түрүүшын атомна ледокол соо диктант бэшэбэ. Буряад Уласта этнодиктантда хабаадагшад Буряадай арадуудай Найрамдалай байшан соо, сэрэгэй частьда, хүдөөгэй номой санда ба клубуудта, һургуулинуудта ерэжэ бэшэһэн байна. Ехэнхи ажаһуугшад онлайн аргаар хабаадаа.
www.miretno.ru гэһэн сайт дээрэ үнгэрһэн ябуулгада зургаан үдэр соо 3 972 905 хүн хабаадажа, түүхэдэ үзэгдөөгүй олон хабаадагшадай тоо харуулаа. Ород, англи ба испан хэлэн дээрэ диктан бэшэхэ арга тэдэндэ үгтэһэн байна.
Диктан бэшэжэ дүүргэһэнэй удаа, тусхай хаягаар орожо, тэрэ дороо зүб харюу абаха арга хүн бүхэндэ үгтөө. Мүн өөрын дүнгүүд тухай мэдээсэл электронно үнэмшэлгэ дээрэ үгтэнхэй байгаа.
Нёдондо жэл 2 500 000 хүн Россиин бүхы регионуудһаа, мүн дэлхэйн 95 гүрэнһөө хабаадаһан юм. Үндэһэтэнэй хэрэгүүдэй талаар Федеральна агентствэ «Этнографическа томо диктантын» гол эмхидхэгшэ байгаа.
Зүб харюунууд www.miretno.ru. сайт дээрэ үгтэнхэй. Мүн тиихэдэ нэмэлтэ мэдээсэл https://vk.com/miretno. ВКонтакте бүлгэм соо мэдэхэдэ болоно.
