«Хүндэтэ нютагаархин! Буряад Уласай Арадай Хуралай һунгамалнуудай ба өөрынгөө зүгһөө буряад хэлэнэй һайндэрөөр амаршалнаб! Арадай Хуралай һунгамалнууд буряад хэлэнэй хүгжэлтын талаар ехэ ажал ябуулдаг гээд тэмдэглэхэ шухала. “Буряад Уласай гүрэнэй хэлэн болохо буряад хэлэ дэмжэлгын хэмжээнүүд тухай”, “Буряад Уласай арадуудай хэлэн тухай” хуулинуудые нарижуулгын талаар ходо анхарал хандуулагдадаг», -гээд Владимир Павлов тэмдэглээ.
Буряад хэлэеэ хүгжөөхэ зорилготойгоор “Үндэһэн хэлэнэй үлзы хэшэг” гэһэн мүрысөөн үнгэргэгдэдэг болоһониинь ехэл һайшаалтай.
«Буряад Уласай Толгойлогшо Алексей Цыденов, Арадай Хуралай һунгамалнууд, засагай газарай гэшүүд, аймагай захиргаанууд буряад хэлэндэ ехэ анхарал хандуулна. Мүнөө долоодохи шэнэ зарлалай һунгамалнууд энэ ажал саашань эдэбхитэйгээр ябуулха», - гээд Буряад Уласай Арадай Хуралай Түрүүлэгшэ хэлэбэ.
Буряад Уласай Арадай Хуралай һунгамалнууд Дондок Улзытуевай «Буряад хэлэн» гэһэн шүлэг уншажа, нютагаархидаа амаршалба.
