Буряад Уласай Арадай Хуралай Түрүүлэгшэ Владимир Павлов ветерануудай Зүблэлтэй уулзалга үнгэргэбэ. Энэ хэмжээ ябуулгада Зүблэлэй түрүүлэгшэ Геннадий Айдаев, орлогшонь Степан Ефимов, Буряад Уласай Толгойлогшын дэргэдэхи аха захатанай Зүблэлэй түрүүлэгшын орлогшо Вячеслав Подлеснов гэгшэд хабаадаһан байна.
Уулзалгын үедэ Арадай Хуралай 7-дохи зарлалай ажал түсэбүүд тухай Владимир Павлов хөөрэжэ үгэбэ.
Соёлой, тамирай, элүүр энхын талаар асуудалнууд тухай зүбшэн хэлсэхэдээ, уласай хүн зоной тоо, залуу үетэниие Эхэ Орондоо дуратайгаар хүмүүжүүлгэ болон бусад асуудалнуудай талаар һанамжаараа хубаалдаа. Элүүрые хамгаалгын эмхи зургаануудые болбосон түхэлтэй болгохо тухай бэрхэшээлнүүд ветерануудай һанаа зобооно гээд уулзалга дээрэ ветеранууд хэлэһэн байна.
Саг ошохо бүри СВО-до хабаадагшадта туһа үзүүлхэ, гэр бүлэнүүдтэнь анхарал хандуулжа байха тухай дурадхалнууд Зүблэлэй талаһаа ороо.
Уулзалгын түгэсхэлдэ дүнгүүдээ согсолходоо, иимэ хэмжээ ябуулгануудые саг үргэлжэ үнгэргэжэ байха тухай дурадхал Владимир Павлов оруулһан байна.
«Буряад Уласайнгаа хүгжэлтын талаар танай ябуулһан, мүн ябуулжа байһан ажалые ехэ үндэрөөр сэгнэнэб. Танай зүбшэл заабаринууд, дурадхалнууд бидэндэ ехэ хэрэгтэй, - гээд Арадай Хуралай Түрүүлэгшэ Владимир Павлов тэмдэглээ.
