Буряад Уласай Арадай Хуралай Түрүүлэгшэ Владимир Павлов һургуулинуудай 49 автобусой түлхюурнуудые баяр ёһололой оршондо мүнөөдэр барюулба. Аюулгүйгөөр үхибүүдые зөөхэ зорилго хадаа нэн түрүүн Буряад Уласай Засагай газарай, Арадай Хуралай, нютагай өөһэдын хүтэлбэриин захиргаануудай урда табигдана гээд Владимир Павлов тэмдэглэһэн байна.
«Һуралсалай һалбарида һургуулинуудай автопарк шэнэлхэ ээлжээтэ алхам мүнөөдэр дахинаа хэбэбди. Буряад Уласай юрэнхы болбосоролой эмхинүүдэй 16 мянга гаран һурагшадые зөөхэ талаар ажал хэгдэнэ», - гэжэ Буряад Уласай Арадай Хуралай Түрүүлэгшэ хэлээ.
Шэнэ автобусууд аюулгүйе сахиха талаар бүхы эрилтэнүүдтэ тааруугаар хэгдэнхэй. Һурагшад эдэ автобусуудаар ябахадаа, мүрысөөнүүдтэ, фестивальнуудта, соёлой хэмжээ ябуулгануудта ошоно. Тиигэжэ шангай һууринуудые эзэлжэ, холо ойгуур түрэл һургуулияа суурхуулна ха юм.
