Буряад Уласай Арадай Хуралай Түрүүлэгшэ Владимир Павлов Улаан-Үдэ хотын 54-дэхи һургуулиин дэргэдэ модульно аргаар баригдаһан танхимай нээлгын баяр ёһололдо мүнөөдэр хабаадаба.
«Оросой Холбооной ажаһуугшадай 70 процент шахуу хүн зониие тамираар бэеэ һорижо байха тухай зорилго манай Юрэнхылэгшэ Владимир Путин табинхай. Иимэ тамирай байшангуудай баригдажа, ашаглалгада тушаагдажа байхада, энэ ехэ нүлөөлхэ зэргэтэй. «Киокусинкай һургуулида» гэһэн түсэлөөр болбосоролой ба хүмүүжүүлгын талаар ехэ ажал хэгдэнэ», -гээд Владимир Павлов хэлээ.
Элүүр энхэ бэетэй ябаха, ургажа ябаһан үхибүүдые тамирта дуратайгаар хүмүүжүүлхэ гээшэ тон шухала гээд Арадай Хуралай Түрүүлэгшэ тэмдэглэһэн байна.
Сэлэнгын ба Мухар-Шэбэрэй аймагуудта мүн лэ иимэ тамирай байшангууд мүнөөдэр нээгдэжэ, ашаглалгада тушаагдаба.
