Буряад Уласай Арадай Хуралай сессиин эхиндэ «Баатаршалга гэршэлһэнэй түлөө» гэһэн Оросой Холбооной Федеральна Суглаанай Федерациин Зүблэлэй медальнууд 10 үхибүүдтэ барюулгын ёһолол үнгэрбэ.
Үндэр шагналнуудые Буряад Уласай Арадай Хуралай Түрүүлэгшэ Владимир Павлов барюулаа.
«Баатаршалга гаргаһан үхибүүд тухай дууламсаараа, Арадай Хурал Оросой Холбооной Федеральна Суглаанай Федерациин Зүблэлдэ зууршалга эльгээһэн байна. Манай Буряад орондо ажаһуудаг эрэлхэг зүрхэтэй, Эхэ Орондоо дуратай үхибүүдээр омогорхонобди. Бүхы юумэн гэр бүлэһөө эхитэй ха юм даа. Эдэ үхибүүдэй гэртэхиндэ, багшанарта баяраа мэдүүлнэб», - гээд Буряад Уласай Арадай Хуралай Түрүүлэгшэ Владимир Павлов хэлээ.
«Баатаршалга гэршэлһэнэй түлөө» гэһэн Оросой Холбооной Федеральна Суглаанай Федерациин Зүблэлэй медальнуудта, мүн Арадай Хуралай баярай бэшэгүүдээр Елисей Серебренников, Жаргал Батуев, Аполлинария Герасимов, Яна Козлова, Софья Мунгалова, Алина Труднева, Максим Коневин, Сергей Коневин, Анатолий Молоков ба и Илья Сурков гэгшэд хүртэһэн байна.
