Буряад Уласай Хойто-Байгалай аймагта ноябриин 28-29-эй үдэрнүүдтэ Арадай Хуралай эдэй засагай бодолгын, байгаали ашаглалгын болон байгаали хамгаалгын Хорооной нүүдэл зүблөөн Иннокентий Вахрамеевай ударидалга доро үнгэрбэ. Энэ хэмжээ ябуулгада Арадай Хуралай һунгамалнууд: Бадмадоржо Жигжитов, Сергей Козлов, Александр Парщиков, Андрей Невьянцев, Анатолий Дымчиков, Саян Бальжиров, Михаил Итыгилов, Борис Семенов болон Зүүн Сибириин түмэр замай харгын хүтэлбэри, яаманай болон албангуудай түлөөлэгшэд, «Хойто-Байгалай аймаг» гэһэн нютагай засагай байгууламжын захиргаан гээд хабаадаа.
Хабаадагшад аймагай һуурингуудай хүгжэлтэ, байгаали хамгаалгын гуримуудые сахилгын болон Байгал-Амурай замай газарнуудай барилгада үнгэргэхэ хүсэлдүүлгын хэмжээнүүдые эмхидхэлэй асуудалнуудые зүбшэбэ.
Парламентаринуудта Нижнеангарск – Северобайкальск хоорондын хоёрдохи замай барилгада хэрэглэгдэһэн байгаали хамгаалгын хэмжээнүүдэй шэнэ онол арганууд харуулагдаа. Энэ түхеэрэлгын ашаар һайрамай үерэй болон урадхуулдаг уһануудай хүрьһэ руу болон саашаа Байгал далайн экобайгуулалта руу оруулагдаггүй юм.
Түмэр замайхид һэльбэн шэнэлэлгэдэ хэрэглэдэг оньһото хэмжээнүүдэй бүридэл тухай хөөрэжэ үгэбэ.
Гэхэ зуура, Арадай Хуралай һунгамалнууд ажаһуудалай хатуу үлэгдэлнүүдые гаргалгын, «Хойто-Байгалай аймагай» дэбисхэр дээрэ томо баклан шубуунай тоо олошорһон тухай асуудалнуудые зүбшэлсэбэ. Эндэ мүн байгаали хамгаалгын түб газарта ажаһуугшадые хатуу түлишээр хангалга, харгы болон бусад газарнуудые бариха аргагүй анхан ашаглалгын ажалаар ашагта малтамалнуудые бэдэрэлгэ болон ашаглалгын асуудалнууд табигдаа.
Ноябриин 29-дэ Арадай Хуралай һунгамалнууд Зүүн-Сибириин түмэр замай Хойто-байгалай можын абитуриентнуудай 2-дохи слёдто хабаадалсаһан байна.
