Арадай Хуралай һунгамалнууд Владимир Павлов Түрүүлэгшэтэеэ сэрэгэй тусгаар үйлэдэ хабаадагшадые дэмжэдэг эжынэртэ болон һайн дуранай үүсхэлэгшэдтэ зорюулагдаһан «Һайн дуранай хүсэн 03» гэһэн буян үйлэдэлгын хэмжээ ябуулгада хабаадаба.
Арадай Хуралай Түрүүлэгшэ Владимир Павлов һунгамалнуудай зүгһөө эжынэрые амаршалаа. Арадай Хуралай һунгамалнуудһаа баярай бэшэг болон тэдэнэй хубиин зөөриһөө суглуулагдаһан мүнгэ дамжуулаа.
«Һайн дуранай хүсэн 03» гэһэн һайн дуранай эдэбхитэдэй түбтэ онсо баярые хүргэнэб, энэ түбтэ үдэр бүри ямаршье түлбэригүйгөөр 200 гаран волонтернууд ходо ажаллана: наһанайнгаа амаралтада гарагшад, Улаан-Үдэ хотын эмхинүүдэй ажалшад, оюутад болон хотын нигүүлэсхы сэдьхэлтэй хүн зон болоно. 2022 оной октябрь һараһаа «Һайн дуранай хүсэн 03» гэһэн һайн дуранай эдэбхитэдэй түбэйхид 450 бронежиледүүдые, 1 800 техническэ бүһэнүүдые, 7 000 хаалтатай гульбануудые, хэдэн янзын 5 000 тактическа сумэнүүд, 1 200 тактическа тэлүүрнүүд, 700 ашаа шэрэдэг аргамжануудые болон олон олон ондоо хэрэгтэй юумэнүүд – мүнөөдэрэй байдалаар сэрэгэй зэр зэбсэгэй 38 нэрэмжэнүүд бэлдэгдэн бүтээгдээ. Һайн үүсхэлэй түб хүн зонһоо болон эмхинүүдһээ нигүүлэсхы туһаламжа суглуулаад, һайн дуранай эдэбхитэдэй бусад бүлэгүүдтэй суг сэрэгэй частьнууд руу эльгээдэг, үгы гэбэл, тон хэрэгтэй юумэнүүдые сэрэгшэдтэ үгэдэг, - гэжэ Владимир Павлов хэлэһэн байна.
