Сэрэгэй тусгаар үйлэнүүдэй сэрэгшэдтэ болон тэдэнэй бүлэнэртэ гүрэнэй шагналнууд болон медальнууд барюулагдаба. Баяр ёһололдо баатарай үхэлөөр унаһан Россиин хоёр Геройнуудые болон дайшалхы ябадалаар шалгарһан бусад арба гаран сэрэгшэдые тэмдэглэһэн байна.
Мүнөөдэрэй байдалаар Буряад ороной 19 сэрэгшэд Орос гүрэнэй Баатарай нэрэдэ хүртэнхэй.
Бага зэргын сержант Владимир Белокопытов дайсанай таһалдаагүй буугай һомон доогуур Угледар руу добтолон, түрүүн орожо, нэгэ байшан дээрэ Орос гүрэнэй һүлдэ туг тодхооһон юм. Владимир Донецкын Арадай Уласай эмнэлгын газарта наһа бараһан байна.
Эрэлхэг ябадалай үшөө нэгэ жэшээ Жаргал Дашиев харуулһан байна. Десантнигуудай взводой командир артиллериин ехэ буулдаанда дайралдан, ехээр шархатабашье, тэрэ сухаряагүй. Табан часай хугасаада шархатаһан лейтенант дайсанай контр добтолгонуудые нэгэ нэгээр сохилсожол байгаа. Тэһэрһэн буудалгануудай олон тоото шархаһаа тэрэ баатарай үхэлөөр унаа. Эрэлхэг зоригой болон баатаршалгын түлөө Жаргал Дашиевта Россиин Геройн нэрэ зэргэ олгогдоо.
Алтан мүшэнүүдые баатарай үхэлөөр унаһан сэргэшэдэй бүлэнэртэ дамжуулагдба.
- Мүнөөдэр бидэ Эхэ ороноо хамгаалжа, сэрэгэй үйлэнүүдые һүр һүлдэтэйгөөр бэелүүлжэ, ами наһантаяа хахасаһан эрэлхэг хүбүүдэй дурасхаалай хүндэлэлдэ һүгэдэнэбди. Тэдэнэр һүүлшынгөө амин хүрэтэр сэрэгэй тангариг болон уялгадаа үнэн сэхэ байгаа. Бидэ мүнөө Эсэгэ ороноо ёһотойл хамгаалагшадые хүмүүжүүлһэн гэртэхиндэнь гүнзэгы баярай бахарлал мэдүүлнэбди. Эрэлхэг Баатарнуудта Алдар Соло,-гэжэ Буряад Уласай Арадай Хуралай Түрүүлэгшэ Владимир Павлов тэмдэглээ.
Сэрэгэй тусгаар үйлэдэ хабаадагша сэргэгшэдые ёһололой үедэ мүн бусад шагналнууд ба медальнууд барюулагдаа. Тэдэ шангууд Эхэ ороноо хамгаалжа байһан сэрэгшэдтэ олгуулагдаһан байна.
