Буряад Уласай Арадай Хуралай hунгамалнууд Эрхүү можын депутадуудые угтан абаба. Суг хүдэлхэ тухай хэлсээ баталха зорилготойгоор энэ хэмжээ ябуулга эмхидхэгдээ. Хүршэ можын хуули баталдаг эмхи зургаанай түрүүлэгшэ Александр Ведерников, тэрэнэй орлогшонор Кузьма Алдаров ба Наталья Дикусарова, Аппарадай хүтэлбэрилэгшэ Ирина Леньшина гэгшэд хабаадаhан байна.
Нэн түрүүн Буряад Уласай Арадай Хуралай Түрүүлэгшэ Владимир Павловтай уулзалга эмхидхэгдэhэн байна. Хоёр тала шухала асуудалнуудые зүбшэн хэлсэбэ. Дэлхэйн эрдэни зэндэмэни болохо Байгал далайгаа аршалха тухай асуудалда ехэ анхарал табигдаа. Мүн Буряад Улас болон Эрхүү можын түүхэ, ниигэмэй-экономикын талаар асуудалнууд харагдаhан байна.
