Эсэгэ Ороноо хамгаалагшын жэлдэ зорюулагдаhан тамирай ябуулга Буряад Уласай Арадай Хуралай hунгамалнууд үнгэргэбэ.
Волейбол ба дартс гэhэн спортын зүйлээр hунгамалнууд, аппарадай хүдэлмэрилэгшэд, Тоололгын палатын мэргэжэлтэд гээд мүрысэhэн байна.
Буряад Уласай Арадай Хуралай Түрүүлэгшэ Владимир Павлов турнир нээлгын баяр ёhололой үедэ үгэ хэлэхэдээ, спортоор бэе тамираа hорихо тухай онсо тэмдэглээ.
Түрүүшын hуурида Буряад Уласай Арадай Хуралай Бюджедэй, татабариин ба мүнгэн һангай талаар хороон гараа. Хоёрдохидо Можонууд хоорондын харилсаанай, үндэһэ яһатанай асуудалнуудай, залуушуулай бодолгын, олониитын ба шажанай нэгэдэлнүүдэй талаар хороон, гурбадахи hуури Арадай Хуралай Аппарат эзэлээ.
Дартсаар Буряад Уласай Арадай Хуралай hунгамал Вячеслав Цыбикжапов эгээл мэргэн байhанаа элирүүлээ. Эхэнэрнүүдэй дунда Тоололгын Палатын мэргэжэлтэн Луиза Ергушкина эрхимлээ.
