Буряад Уласай Арадай Хуралай сесси апрелиин 24-дэ, үглөөнэй 9 сагта мүнөөдэр эхилбэ. Арадай Хуралай hунгамалнууд 32 асуудал зүбшэн хэлсэхэ түсэбтэй. Тэдэнэй 20-ниинь хуулиин проектнууд, 12 тогтоолнууд болоно. Нэн түрүүн кадрова асуудалнууд харагдаба.
Сессиин гол асуудалнуудай нэгэн гэхэдэ, уласай бюджет соо нэмэлтэ хубилалтануудые оруулха тухай асуудал болоно. Ниигэмэй, экономикын hалбарида хабаатай асуудалнууд сессиин үедэ харагдаха юм.
Буряад Уласай Арадай Хуралай hунгамал Денис Гармаев hунгамалай уялгануудаа болюулха тухай асуудал сессиин повесткэ соо оруулагданхай.
